.
1. ზოგადი დებულებები
წინამდებარე წესები და პირობები არეგულირებს კომპანიასა და მომხმარებელს (დამქირავებელს) შორის ავტომობილის გაქირავებასთან დაკავშირებულ ურთიერთობებს. ავტომობილის დაჯავშნით, მომხმარებელი ავტომატურად ეთანხმება ამ პირობებს.
2. მოთხოვნები მძღოლის მიმართ
ასაკი და გამოცდილება: დამქირავებლის მინიმალური ასაკი უნდა იყოს 21 წელი, ხოლო მართვის გამოცდილება – არანაკლებ 2 წლისა.
დოკუმენტაცია: ავტომობილის გაქირავებისას აუცილებელია წარადგინოთ მოქმედი მართვის მოწმობა და პირადობის დამადასტურებელი მოწმობა (ან პასპორტი).
3. ჯავშანი და ანგარიშსწორება
გადახდა: ქირის საფასურის გადახდა ხდება ავტომობილის გადაცემის მომენტში სრულად.
დეპოზიტი: ავტომობილის გატანისას შესაძლებელია მოთხოვნილ იქნას უზრუნველყოფის დეპოზიტი, რომელიც სრულად ბრუნდება ავტომობილის უნაკლო მდგომარეობაში დაბრუნების შემდეგ.
4. ავტომობილის ექსპლუატაცია
შეზღუდვები: სასტიკად აკრძალულია ავტომობილის მართვა ალკოჰოლური ან ნარკოტიკული თრობის ქვეშ.
გამოყენების არეალი: ავტომობილით გადაადგილება დაშვებულია მხოლოდ საერთო სარგებლობის გზებზე. აკრძალულია უგზოობაზე (Off-road) მოძრაობა (გარდა სპეციალურად ამისთვის განკუთვნილი ავტომობილებისა).
სალონში მოწევა: ავტომობილის სალონში სიგარეტის მოწევა აკრძალულია.
5. ავტოსაგზაო შემთხვევა და დაზღვევა
ნებისმიერი დაზიანების, ავტოსაგზაო შემთხვევის ან ავტომობილის ქურდობის შემთხვევაში, დამქირავებელი ვალდებულია დაუყოვნებლივ დაუკავშირდეს საპატრულო პოლიციას და გამქირავებელ კომპანიას.
პოლიციის გარეშე შემთხვევის ადგილის დატოვება გამოიწვევს დაზღვევის გაუქმებას და ზარალის სრულად დაკისრებას დამქირავებელზე.
6. ავტომობილის დაბრუნება
დრო: ავტომობილი უნდა დაბრუნდეს ხელშეკრულებით გათვალისწინებულ დროს. დაგვიანების შემთხვევაში შესაძლოა დაგეკისროთ დამატებითი საფასური.
საწვავი: ავტომობილი უნდა დაბრუნდეს საწვავის იმავე მოცულობით, რითიც მოხდა მისი გატანა.
სისუფთავე: ავტომობილი უნდა დაბრუნდეს სუფთა მდგომარეობაში, წინააღმდეგ შემთხვევაში შესაძლოა დაგერიცხოთ რეცხვის საფასური.